+-- နံရံများ --+

ဝရန်တာတွေမှာ ပန်းအိုးတချို့  အ၀တ်တချို့  ... ခေါင်းလောင်းကြိုးများက ပင့်ကူအိမ်များလို
တို့ လို့ တွဲလောင်း ... နံရံတွေက ဆေးတချို့ ကွာကျနေပေမယ့် ထူထူထဲထဲ ...

အခန်း ၁ ။
စားပွဲပေါ်က အရက်ပုလင်းကို တွင်တွင်စိုက်ကြည့်ရင်း ဒီမြို့ သည် မျှော်လင့်ချက်လား
ကျဆုံးခြင်းလား အသားညိုညိုနှင့်ထိုလူတွေးတောနေလိမ့်မည် ... အိမ်ခန်းငှားခ ၊
အောက်တန်းစာရေးလစာ ၊ နယ်မှ မိသားစု စသောအတွေးပေါင်းစုံတို့ ကို ခွက်ထဲက အရည်ထဲ
ထည့်ဖျော်ချင်နေလိမ့်မည် ... ပြတင်းပေါက်ဘောင်ပေါ်က လေအတိုးမှာပြုတ်ကျတဲ့
ဆေးပေါ့လိပ်တိုကို ဆေးပြန်ကျစ်ရင်း ယမ်းမီးခြစ်ကိုခြစ်လိုက်သည် ..
တိုက်ခန်းနံရံမှာ သူမြို့ ကိုသူရောက်စက မြေဖြူနှင့်ရေးသားထားသော ဘ၀ဆိုတာတိုက်ပွဲ
ဆိုသည့် စာတန်းဖြူဖြူက ထိုလူ့ ကို လှောင်ရယ်ရယ်လျှက် ....


အခန်း ၂ ။
မက္ကာသို့ သွားပြီး နာမည်ရှေ့ တွင် ဟာဂျီဘွဲ့ တတ်ဖို့ က ထိုအမျိုးသား၏ အကြီးမားဆုံးမျှော်လင့်ချက်
ဖြစ်သည် ... ကလေးငယ်လက်ထဲသို့  ကိုရမ်ကျမ်းကို ထိုနေ့ အဖို့ ၂ကြိမ်မြောက်ဖတ်ရင် ထည့်ပေးလိုက်သည် ...
အရှေ့ အရပ်ကိုမျှော် လက်နှစ်ဖက်ကိုရှေ့ ချပြီး မုတ်ဆိတ်မွှေးထူထူကို ကြမ်းပြင်နဲ့ ထိအောင်ပြားကပ်
ဝတ်ပြုလိုက်သည် ... သားသတ်ရုံမှာ နှစ်ချို့ ခဲ့သောလက်တို့ ကား သွေးညှီနံ့ ဖျောက်မရအောင်
စွဲငြိလျက် ... ပြီးတော့ မဆလာနံ့ သင်းသောဟင်းတချို့ ကိုချက်ပြုတ်နေသာ အမျိုးသမီးကို
စောင်းငဲ့ကြည့်လိုက်သည် ... တချွင်ချွင်မြည်နေသော လက်ကောက်ဝတ်မှ ရွှေလက်ကောက်တို့ သည်
ထိုအမျိုးသမီး၏ မိရိုးဖလာကိုးကွယ်မှူ့ ကို ကောင်းကောင်းချေဖျက်စပြုနေပီ ...

အခန်း ၃ ။
နေ့ ခင်းပိုင်းကလပ်တွေ ခေတ်စားလာကတည်းက ဒီအခန်းသည် အသုံးပြုချိန်နည်းနည်းလာသည် ...
ငွေပိုလျှံလို့ ဝယ်ထားဟန်တူသော ထိုအခန်းသည် ပိုင်ရှင်တို့ ၏ အသက်မပြည့်သေးသောသား၏
အချစ်ရမ္မက်ကိုလက်တည့်စမ်းဖို့ သက်သက်သာ ... ဆေးလိပ်တိုတချို့ နှင့် စားပီးသားဖော့ဘူးခွံတချို့ က
ကြမ်းပြင်ပေါ်တွင် ဟိုတချို့ ဒီတချို့  ...

အခန်း ၄ ။
ကလေး ၂ ယောက်၏ စာအံသံများက အခန်းထဲတွင် တိုးတချက် ကျယ်တချက် ...
ပါတိတ်ဝမ်းဆက်နှင့် အမျိုးသမီးက အထူးထုတ်တအုပ်ကို လှန်လှော်ဖတ်ရှူ့ နေသည် ...
မြေဖြူမှူန့် များကြားတွင် အသံဝင်အောင် သင်မည့်အစား ဒီလို ဟုမ်းကျူရှင်တွေကို ပိုစိတ်ဝင်စားသည် ..
နာသုံးနာ ဆိုသောစကားသည် မဖြစ်စလောက်ဝင်ငွေအောက်တွင် သူမပစ်ထားခဲ့တာကြာချေပီ ...
အောက်ထပ်လမ်းမများမှ ကလေးများ၏ ဆူညံ့ဆော့ကစားသံကိုကြားသောအခါ
စာကျက်နေသောကလေး ၂ ယောက် တစ်ယောက်မျက်နှာတစ်ယောက် ပြိုင်တူကြည့်မိလျှက်သား ...

အခန်း ၅ ။
လက်သည်းနီရဲရဲကို ဆေးခြောက်အောင် နှူတ်ခမ်းရဲရဲနဲ့ အမျိုးသမီးတစ်ချက် နှစ်ချက်မှူတ်လိုက်သည် ...
ဒီနေ့  ဗိုက်ပူပူကို တိုက်ပုံအကျီနဲ့ အတင်းဆွဲပိတ်ထားတဲ့ လူကြီးလူကောင်းကြီးလာမယ့်နေ့  ...
တရားစခန်းကာလမို့  အိမ်ကဇနီးမယားကိုလိုက်ပို့ ပြီး ထိုလူ သုံးလေးရက်လောက် ဒီအခန်းမှာ
ပျော်ပါးလိမ့်မည် ... ဖွင့်ထားတဲ့ တီဗွီဇာတ်လမ်းက မင်းသားနဲ့ မင်းသမီးကိုကြည့်ရင်း
အမျိုးသမီးသည်တစုံတရာကို လွမ်းမောမိသည် .... ဆေးလိပ်တလိပ်ကို မီးညှိရင်း မှူတ်ထုတ်လိုက်တဲ့အငွေ့ များက
နံရံထူထူကို လာရိုက်ခတ်သည် .. တံခါးခေါက်သံကြားသည်နှင့် ဟန်ဆောင်အပြုံးကို မျက်နှာပေါ်တင်ရင်း
အခန်းတံခါးဝဆီ လေးလေးပင်ပင်လျောက်သွားလိုက်သည် .....


အခန်း ၆ ။
...

အခန်း ၇ ။

နံရံများကိုအကာအကွယ်ပြုကာ ကျွန်တော်တို့ မကောင်းမှူမည်မျှ ကျူးလွန်ဖူးခဲ့ပြီလဲ ...
နံရံများကိုအကာအကွယ်ပြုကာ ကျွန်တော်တို့ ဟိရိ ၊ သြတ္တပ္ပကို မည်ရွေ့ မည်မျှ လျော့ချခဲ့ဘူးပြီလဲ ...
နံရံများ၏ ထူထဲမှူ့ အပေါ် ကျွန်တော်တို့  ဘယ်လောက် ယုံကြည်ခဲ့သလဲ
နံရံတို့ သည် လောကီအကာအကွယ်သာဖြစ်ပြီး လောကုတ္တရာအကာအကွယ်မဟုတ်မှန်း သိလာချိန်တွင်
နံရံတို့ တွင် နား ၊ မျက်စိ ပါလာလျှင် ကျွန်တော်တို့ သည် ကိုယ့်ကိုယ်ကိုယ် အကြိမ်ကြိမ်ပြန်ရှက်မိကောင်း
ရှက်မိကြလိမ့်မည် ..
အချိန်အတိုင်းအတာ တစ်ခုအထိတော့ ကျွန်တော်တို့ သည် နံရံထူထူများနောက်တွင်
ကိုယ့်အတ္တတချို့ နှင့် ဆက်လက်ပုန်းအောင်းနေနိုင်ပေအုန်းမည် .....။

+-- ၁၅၄ ဃ --+

ဖြစ်ချင်တာနဲ့ ဖြစ်သင့်တာ လွန်ဆွဲတဲ့ပွဲမှာ

နှလုံးသားတချို့  မိုးခေါင်ခဲ့တယ် ....

ဓူဝံကြယ်လည်း မဆွတ်ဘူးဘူး

မဟာတံတိုင်းလည်း မဖြိုပြခဲ့ဘူးဘူး

အင်း

ဆိုပြဘူးတဲ့ တ၀က်တပျက်သီချင်း သုံးလေးပုဒ်တော့ရှိတယ်

ခင်ဗျားဟာ သိပ်ပျော့ညံ့တာဘဲ

ယေဘူယျအားဖြင့် မှန်တယ်

ပေါက်ပင်ကိုင်းတာ မြင်သာပေမယ့်

ဗျိုင်းနားလိုက်တာတော့ လူသိတော်တော်နည်းခဲ့တယ် ..

ယုံကြည်မှူတစ်ခုကလွဲ

လက်ဆုပ်လက်ကိုင်မပြနိုင်တဲ့  ဘ၀လေးထဲကနေ

ဘာကိုများ ထပ်ပြီးဖဲ့ထုတ်ချင်သေးလို့ တုန်းဗျာ ...

ကိစ္စမရှိပါဘူး

တရားဝင်ဝင် မ၀င်ဝင်

အချစ်ဆိုတာ မူပိုင်ခွင့်ကင်းတယ် ....

+-- 2012 --+

2012 တွင် ကမ္ဘာပျက်မလား ...
ကြော်ငြာကောင်းတာနဲ့ ဇာတ်ကားတော်တော်များများ ကြည့်ဖြစ်ခဲ့သည် ....
တကယ်သာဖြစ်ခဲ့မယ်ဆိုလျှင်  အနာဂတ်ဆိုသောဝန်ထုပ်ဝန်ပိုးသည်
အတော်အတန်ကို လျော့ကျသွားပေလိမ့်မည် ....ရှေ့ ရေး နောက်ရေး ဘာရေး ညာရေး
မတွေးတော့ဘဲ သူမ နေထိုင်ရာ ကမ္ဘာ့တစ်နေရာသို့ သွားရန်
သယ်ယူပို့ ဆောင်ရေးလက်မှတ်တစ်ခု ပြေးဝယ်လိုက်မည် ...
မိုးရွာထဲတွင် လမ်းအတူတူလျောက်ချင်သည် ... အအေးမမိခင်၊ဆံနွယ်စတို့ မခြောက်သွေ့ ခင်
ကော်ဖီပူပူတစ်ခွက်စီနှင့် သီချင်းတပုဒ်ကို နှစ်ယောက်အတူနားထောင်ချင်သည် ....
ကျွန်တော်သည် သူမ နှူတ်ခမ်းတို့ အား အိမ်မက်ထဲသို့ တိုးတိုးခေါ်တတ်သည့်
သွေးနွေးသတ္တ၀ါတမျိုးသာဖြစ်သည် ....

If you can dream it
you can do it
                     ( Walt Disney )



ခရစ္စတိုဖာ ကိုလံဘတ်စ်အကြောင်းစဉ်းစားမိသောအခါ အဖိုးကိုသတိရမိလေသည် ....
အဖိုးကား ထိုလူကဲ့သို့ လူသိရှင်ကျော် ပုဂ္ဂိုလ်မဟုတ် ... သူလို ကိုယ်လို အဖိုးတွေလို
ပုံပြောကောင်းယုံမျှသာဖြစ်သည် ... ငယ်ငယ်ကလမ်းလျောက်ထွက်လျှင် နောက်ပြန်လှည့်မရအောင်
ငိုယိုဂျီကျတတ်သောကြောင့် ဒီကောင်လေးက ကိုလံဘတ်စ်လိုဘဲ ရှေ့ ကိုချည်းသွားချင်နေတယ်
ဟု သမုတ်တတ်သောကြောင့်ဖြစ်သည် ... ကျွန်တော်သည် နောက်ထပ်တိုက်အသစ်တစ်ခုကို ရှာမတွေ့ ခဲ့သော်လည်း
အဖိုး၏ ရှည်လျားကျယ်ပြန့်လှသောမေတ္တာလွင်ပြင်ကို ရှာတွေ့ ခဲ့သည် ...
အဖိုးကား 2012 ကိုမမြင်နိုင်တော့ပေ ... သူမမြင်သွားရှာသောနှစ်သစ်အချို့ အကြောင်းကို သူအရင်ကတုန်းက
ပြောပြခဲ့သော ပုံတိုပတ်စများသဖွယ် မရောက်ဖြစ်တာကြာပြီဖြစ်သော သူ့ အုတ်ဂူဘေးတွင်ပြောပြချင်စမ်းလှသည် ...

Following the light of the sun, we left the Old World.
                                                          ( Christopher Columbus )



2012 ဆိုတာကြီးက တိုနဲ့ ပတ်သတ်တာမှမဟုတ်တာ .. သူများယောင်လိုက်မယောင်ချင်စမ်းပါနဲ့ လို့ 
ဆိုလာငြားအံ့ ..
ကြွက်ထောင်ချောက်ဝယ်လာသည်ကိုမြင်သော ကြက်သည် ကိုယ်နဲ့ မဆိုင်သောကိစ္စမို့  မသိကျိုးကျွံပြုကာ
ကြွက်ကိုသွားမပြောပေ ... မနက်ထောင်ချောက်တွင်မိနေသော ကြွက်သေကိုလာဖြုတ်ရင်း လယ်ပိုင်ရှင်
ပိုးထိလေသည် .. ဆေးမှီသဖြင့် နာမကျန်းဖြစ်ယုံဖြစ်ကာ နလန်ထချိန်တွင် အားရှိအောင်စွပ်ပြုတ်တိုက်
ရမည်ဆိုသောအခါ ကြက်သည်လည်း ဘ၀ပြောင်းရလေသည် ..  ငါ့ကိစ္စမှ ငါ့ကိစ္စဘဲ တခြားစိတ်မ၀င်စားဘူးဟေ့
ဆိုပြီး ကြက် ကြီးလုပ်နေတော့မလား ...

Thousands of candles can be lighted from a single candle, and the life of the candle will not be shortened. Happiness never decreases by being shared.
                                                                                                                           ( Buddha )



2012 သည် ပြက္ခဒိန်ပေါ်မရောက်ခင် တွန့် ကြေနေသော ခုနှစ်တခုသာဖြစ်သည် ...
သို့ သော်လူအတော်များများ၏ မျှော်လင့်ချက်များသည် ထိုအပေါ်တွင် ပြန့် ပြန့် ရန့် ရန့်  ...
အချိန်ယန္တရားကိုယ်ဝန်ဆောင်မိခင်သည် 2012 ကိုမီးဖွားရန်လူးလှိမ့်နေပြီ ...
လူတိုင်းကိုယ်စီမျှော်လင့်ထားသလို 2012 သည် အင်္ဂါစုံပါစေ ..
အရောင်အသွေးလှပပါစေ .. ရောဂါဘယကင်းရှင်းပါစေ ...
လူတိုင်းအတွက် အေးချမ်းပါစေကြောင်း အူဝဲသံကျယ်ကျယ်နဲ့ မွေးဖွားလာဖို့ မျှော်လင့်ပါကြောင်း .....
မိမိ၊ မိမိ မိသားစု၊ မိမိပတ်ဝန်းကျင်တွင် အတ္တ ၊ ပရ မျှတစွာနဲ့  လောကီ ၊ လောကုတ္တရာ အကျိုး ၂ ဖြာ
ဆထက်တံပိုး သယ်ပိုးနိုင်ကြပါစေကြောင်း ....
( နှစ်သစ်မှာ နှလုံးစိတ်ဝမ်းအေးချမ်းနိုင်ကြပါစေသော်ဝ် ) ....

+-- ငါပိုင်တဲ့ သူစိမ်း ---+

ရယ်မောတုန်းက

နင့် နှတ်ခမ်းကွေးကွေးလေးတွေ

မလျော့ကျအောင်

မဖြစ်ညစ်ကျယ် ပြတ်လုံးများနဲ့ 

ကျားကန်ပေးခဲ့တာ ဘယ်သူလဲ ...

ငိုကြွေးတုန်းက

နင့် မျက်ဝန်းကမျက်ရည်တွေ

မစီးကျအောင်

နှလုံးသားကို လက်ဖမိုးလုပ်

သုတ်သင်ပေးခဲ့တာ ဘယ်သူလဲ ...

အချစ်တွေ အနှစ်တွေ

မကိုးကွယ်တတ်ခဲ့သူ

သိုးမည်လို ဘ၀မျိုးမှာ

လူပြောများတာ ထမင်းစားရေသောက်ဆန်လာတယ် ..

စိန်စီရွှေခြယ် အနာဂတ်တွေ

လာခြင်းကောင်းတဲ့ အတိတ်တွေ 

ဟုတ်ပါတယ်

ဘာတစ်ခုမှမပေးနိုင်တဲ့ဘ၀

နှူတ်ဆိတ်နေတာ ဆန်းသလား ...

သြော်  ဒီမှာ

နင့်အကြောင်းမက်မက်ထားတဲ့ အိမ်မက်တဆင်စာ

သတိရရင် ထုတ်ထုတ်ဝတ်လှည့်

သိပါတယ်

နင်ဆိုတာ ငါပိုင်တဲ့ သူစိမ်း

ငါ ဆိုတာ

နင်မလာဝံ့တဲ့ လေဖိအားနည်းရပ်ဝန်းတစ်ခုဘဲ ....။