+---- အရိုးရှင်းဆုံးနှင့် မရိုးနိုင်သော စကားလုံး (သို့ ) ဖေဖေနဲ့ မေမေ ----+

သူများတွေလို special nurse နဲ့ ဗိုက်မအပ်နိုင်ခဲ့ပေမယ့်

ဖေဖေနဲ့ မေမေရဲ့ ဂရုစိုက်မှူအောက်မှာ

သားတို့  ညီအစ်ကိုသုံးယောက် အင်္ဂါစုံစွာ မွေးဖွားခဲ့ပါတယ် ...( ကျေးဇူးတင်ပါတယ် ဖေဖေနဲ့ မေမေ )

သူများတွေလို အဆင့်မြင့်နေ့ ကလေးထိန်းကျောင်းတွေ မထားပေးခဲ့နိုင်ပေမယ့်

အဖေနဲ့ အမေရဲ့ သွန်သင်ပြသမှုအောက်

သားတို့ တွေ မရှိုင်းပြခဲ့ပါဘူး ဖေဖေနဲ့ မေမေ....

သူများတွေလို ကျောင်းစိမ်းအင်္ကျီ ထည်လဲမ၀တ်နိုင်ခဲ့ပေမယ့်

မေမေလျော်ဖွတ်ပေးတဲ့ ကျောင်းဝတ်စုံလေးကြောင့်

သားတို့  အများကြားမှာ မညိုးမှိန်ခဲ့ပါဘူး မေမေ....

သူများတွေလို ထမင်းဘူးလှလှလေးတွေ ဟင်းကောင်းတွေ မကိုင်နိုင် မထည့်နိုင်ခဲ့ပေမယ့်

မေမေ့ရဲ့ လက်သုတ်ပ၀ါ သန့် သန့် လေးတွေနဲ့ ထုပ်ပိုးထားတဲ့ ထမင်းဘူးလေးက

အမြဲတမ်းသန့် ရှင်းပြီး စားချင်စဖွယ်ဖြစ်နေခဲ့ပါတယ် မေမေ....

သူများတွေလို နိုင်ငံခြားဖြစ်ဘောပင်ခဲတံတွေ မသုံးနိုင်ခဲ့ပေမယ့်

ကျောင်းသွားခါနီးတိုင်း ဖေဖေချွန်ထားပေးတဲ့ ခဲတံလေး ၂ ချောင်းက

သားတို့ ပညာရေးကို ဖြောင့်ဖြူးစေခဲ့ပါတယ် ဖေဖေ....

သူများတွေလို ကားကြီးကားငယ် အသွယ်သွယ်နဲ့  ကျောင်းလိုက်မပို့ နိုင်ခဲ့ပေမယ့်

ဖေဖေနင်းတဲ့ စက်ဘီးကယ်ရီယာ ခုံလေးနောက်မှာ ( ချွေးနံ့ နဲ့  ဆေးလိပ်နံ့ ရောတဲ့ ကျောပြင်ကိုဖတ်တွယ်ရင်း )

သားတို့ တွေ လုံခြုံဘေးကင်း အဆင်ပြေခဲ့ပါတယ် ဖေဖေ...

သူများတွေလို ခေတ်မှီကစားကွင်းတွေ လိုက်မပို့ ပေးနိုင်ခဲ့ပေမယ့်

အိမ်ဘေးက ကွပ်လပ်လေးမှာ ( ဖေဖေနဲ့ မေမေက ဂိုးဖမ်းလို့  )

သားတို့  ပျော်ရွှင်မှူအပြည့်နဲ့ ကစားခဲ့ရပါတယ် ဖေဖေနဲ့ မေမေ...

သူများတွေလို ရုပ်ဝတ္ထု ပစ္စည်းဥစ္စာတွေအမွေမပေးနိင်ပေမယ့်

ဖေဖေနဲ့ မေမေရဲ့ မြေဖြူမှုန်များကြားက ရှာဖွေထောက်ပံ့ပေးခဲ့တဲ့ပညာအမွေနဲ့ 

သားတို့ လူ့ လောကထဲ ရဲ့ဝံ့မော်ကြွားစွာ လျောက်လှမ်းနေတယ် ဖေဖေနဲ့ မေမေ...

ဘယ်လောက်ပင် အရွယ်ရောက်သော်ငြားလည်း

သားတွေကို ရင်ဝယ်ပိုက်အရွယ် ထင်မှတ်တတ်တဲ့ မာတာပီတ မိနှင့်ဖရဲ့ စိတ်နှလုံးမှာ

အမြဲတစေ ပူပန်နေမယ်ဆိုတာ သားတို့ သိပါတယ် ဖေဖေနဲ့ မေမေ....

အပြောကျယ်တဲ့ လောကထဲ လေစုန်လေဆန် ပျံသန်းရင်း

အနှိုင်းမဲ့နွေးထွေးမှူမေတ္တာတရား အသိုက်အမြုံရှိရာနေရာလေးကို

သားတို့ မှန်းမျှော်တမ်းတလို့  ... တမ်းတလို့  .... တမ်းတလို့ ....................။